Балкон хаалт

66-ын СТАНДАРТ ХАНА, ТАГТ БАЛКОНЫ ХААЛТ

•  Вакуум хана, балконы вакум хаалт 66мм стандарт SHIDE рамтай, дан резинтэй, 1 давхар шилтэй (1мкв -ийн үнэ)- (120000₮ SALE 10мкв-аас дээш бол 110000₮)

• Вакуум хана, балконы лампиран болон 2 давхар шилтэй 2 давхаррезинтэй вакум хаалт 66мм стандарт SHIDE рамтай (1мкв -ийн үнэ) - (200000₮ SALE 10мкв-аас дээш бол 180000₮)           

ЯЛАА, ШУМУУЛНЫ ТОР

• ХАВЧААРТАЙ ЯЛАА/ШУМУУЛНЫ ТОР - Хавчаартай тор нь цонхыг тань огт нүхэлж цоолдоггүй тогтоодогоороо бусад тороо бодвол давуу талтай бөгөөд авч угааж болдог бөгөөд хамгийн нимгэн, төмөр рамтай тор учраас чанартайгаас гадна бусад тороо бодоход өнгө үзэмжтэй харагддаг тор юм 1ширхэг нь 40000 төг

 

• НУГАСТАЙ ТОР -  Цонхны гадна байрлуулалдаг бөгөөд нугас, түгжээ, бариултай хуванцар хатуу биетэй рамтай бөгөөд гадагшаа түлхэгдэж онгойдог авч угаах боломжтой. Мөн энэ торыг хаагдаж нээгддэг учраас хаалганд хийж болдог. 1ширхэг нь 40000 төг

 

• РОЛЛО ТОР (эвхэгдэж, хураагддаг тор) – тусгай механизмаар хуйлран ороогдож өөрийн хайрцагт агуулагдана. Хэрэглэх үедээ татаж буулгадаг. Сайн тал нь үзэмжтэй, хэрэглэхэд хялбар бөгөөд өөрийгөө цэвэрлэдэг давуу талтай болсон. 1ширхэг нь 40000 төг

• РОЛЛО ТОР (эвхэгдэж, хураагддаг хүүхэд унахаас хамгаалсан ган төмөртэй тор) - Мөн хүүхэд унахаас хамгаалсан тусгай механизмаар хуйлран ороогдож өөрийн хайрцагт агуулагдана. Хэрэглэх үедээ татаж буулгадаг. Сайн тал нь үзэмжтэй, хэрэглэхэд хялбар. Сүүлийн үед ихээр хэрэглэгдэх болсон. 1ширхэг нь 75000 төг

Мөн хүүхэд унахаас хамгаалсан түгжээнүүд турк улсаас ирлээ  

• Хүүхэд унахаас хамгаалсан турк түгжээ - Энэ нь хүүхдээ хараа хяналтгүй орхих үедээ цоожлоод явсан тохиолдолд хүүхэд цонхноос унана гэж айх зүйлгүй цонхыг бүтэн онгойхоос хязгаарлаж өгч байгаа юм. Түлхүүртэй учраас хүссэн үедээ цонхоо бүрэн нээж хааж болох юм. Сүүлийн үед маш ихээр хийлгэх болсон 1ширхэг нь 35000 төг 3 аас дээш бол хямдарна

ВАКУМ ЦОНХ ХААЛГА АВАХ, ЗАХИАЛАХДАА АНХААРАХ ЗҮЙЛС

ШИЛЭН БАГЦ

    Шилэн багцын битүүмжлэлийг технологийн дагуу хийдэггүй, 3-4мм нимгэн шил, 9мм, 12мм-ын нарийн гуурс хэрэглэдэг, ивээс буруу хэрэглэж байгаа зэрэг зөрчлүүд байна. Улаанбаатарын цаг уурын нөхцөлд дулаан техникийн тооцооллоор хоёр хөндийт 4-5мм зузаантай 3 давхар шилэн багц нь (4+9+4+9+4) стандартын шаардлага хангана. Харин энгийн агаараар дүүргэсэн нэг хөндийтэй цонхны хувьд 16мм-ээс багагүй гуурстай байх ёстой ба дулаан алдалтыг бууруулахын тулд тусгай зориулалтын хальс наах, шинэ технологийн түрхлэг (Low-E, Nano) хэрэглэх, аргон хийгээр дүүргэж “жинхэнэ вакуум цонх” гаргах зэрэг нь стандартын цонх үйлдвэрлэлтэд онцгой ач холбогдолтой.

РЕЗИН ЖИЙРГЭВЧ 

    Резин жийргэвч нь хөлддөг, хатаж хагарч - хугардаг, муухай үнэртэй, физик-хими чанараа амархан алддаг, хямд үнэтэй өргөн хэрэглэж байна. Түүнчлэн жийргэвчийг тасалдуулж залгасан, уулзвар ам нь нийлээгүй гэх мэт алдаа дутагдалууд байна. Резин жийрэг нь цаг уурын халуун - хүйтэний өөрчлөлтийг даах чадвартай, эсэлдэж хагарч хугардаггүй, байгаль орчинд хор нөлөөгүй байх шаардлагатай бөгөөд EPDM - технологийн жийрэг нь стандартын нөхцөлийг хангадаг болно. 

МЕТАЛЛ ЗҮРХЭВЧ

    Хуванцар PVC цонхны бэлдэц - цувималыг цаг агаарын халуун - хүйтэн өөрчлөлтөөс гарах диформаци – механик агшилт, суналтаас гарах гузайлтаас хамгаалах зорилгоор хөндийд нь зэврэлтээс хамгаалсан цайрдсан өнгөлгөөтэй, сэв эвдрэлгүй 1.2мм-ээс багагүй зузаантай металл зүрхэвч хийж хүчитгэсэн байх ёстой.

Гэтэл металл зүрхэвчийг нь стандартын шаардлага хангаагүй зэвэрсэн төмрөөр орлуулсан, түүнийгээ зөвхөн нугас түгжээ байрлуулдаг хэсэгт нь хийсэн, хуванцар цувимал-металл зүрхэвч хоёр нь хоорондоо огт бэхлэгдээгүй болон хол зайтай бэхлэгдсэн, сул тасалдсан-залгаастай төмрөөр хийсэн зэрэг нь техник технологийн шаардлага зөрчиж байна.

БАРИУЛ, НУГАС, ТҮГЖЭЭ

    Бариул нугас түгжээ стандартын шаардлага хангахгүй байна. Хямд үнэтэй ямарч тохируулгагүй “хавтгай цагаан нугас”, чанаргүй махан төмөр хайлшаар хийгдсэн, даацгүй хэврэг хуванцар хийцтэй түгжээ, бариул хэрэглэн, суулгахдаа нүхээ буруу цоолсон, зөв суулгаагүйгээс хаагдаж нээгдэхэд гажилт үүсэх гол нөхцөл болж байна. Ихэнх үйлдвэрлэгчид маань салхижуулалтын өнцгийн тохируулагч хэрэгсэл тавьдаггүйгээс салхивч хүчтэй салхинд савж онгойдог байна.

УС ЗАЙЛУУЛАХ СУВАГ, ТУСГАЙ ЗОРИУЛАЛТЫН НҮХ

    Ус зайлуулах суваг, тусгай зориулалтын нүх гаргадаггүй, харин гаргаж байгаа нь замбараагүй цоолдог, салхины таг хийгээгүй байна.

Цонх яагаад цантдагийг тайлбарлая!!!

ӨВЛИЙН УЛИРАЛД ВАКУМ ЦОНХ ЯАГААД ЦАНТАЖ, ХӨЛӨРДӨГ ВЭ?

ҮҮНИЙГ ХЭРХЭН ТАСЛАН ЗОГСООХ ВЭ?

    Орчин үеийн вакум цонх давуу тал ихтэй: ус нэвтрэхгүй, гадны дуу чимээг сайн тусгаарлана, халуун дулааныг хадгална. Амьдрал дээр бүх зүйл хоёр талтай байдгийн адилаар сайн юмыг саар зүйл дагах нь мэдээж. Цонх суурилуулснаас хойш хэд хоногийн дараа цонх цантаж эсвэл хөлөрч эхэлнэ. Хуучин модон цонхтой байхад ер ингэж байгаагүй юмсан? Яагаад ингэдэг, хэрхэн үүнийг арилгах вэ?

Цонх яагаад хөлрөөд байна вэ?

    Шалтгаан нь тасалгааны хэм болон гадаа гудамжин дахь хэмийн ялгаа болно. Энэ хоёр ялгааг цонх мэдэрнэ. Цонхонд ирэх уур ус болж бууна, ингээд л хүйтэнд цантана. Тасалгаанд хэдий хэр хүйтэн байна төдий чинээ цонх цантуулах чийг бага байж болно.

    Өөрөөр хэлбэл, сэрүүхэн мөн чийгтэй газрын цонх цантах, хөлрөх магадлал хавьгүй өндөр. Халуун бас хуурай тасалгаанд жам ёсоороо цонх нь хөлрөхгүй, цантахгүй.

    “Хуучин модон цонх огт тэгдэггүй байсан” – гэж та хэлэх байх. Таны зөв, гэхдээ шинэ цонх муудаа хөлрөөд байгаа юм биш ээ. Модон цонх завсар ихтэй, тэр завсраар байнга агаар солилцож байдаг тул тасалгааны чийгийг эрс багасгана.

    Харамсалтай нь, энэ нь зөвхөн үзэмжний тухай асуудал биш юм. Цонх хөлрөх, цантах нь тасалгааны микро орчин эрүүл бус байгааг илтгэнэ. Хэт их чийгшил нь төрөл бүрийн мөөгөнцөр, хөгц ургахад хүргэдэг.

    Агааржуулалт хангалттай бус үед нүүрсхүчлийн хий хуримтлагдаж агаарт хортой бодисын агууламж ихэсдэг байна. Үүний үр дагаварт нь оршин суугчдын эрүүл мэнд муудах, дархлааны систем сулрах аюултай.

Цонх цантах, хөлрөхийг хэрхэн таслан зогсоох вэ?

• Агааржуулалтын бүрэн бүтэн ажиллагааг шалгаарай. Магадгүй бөглөрсөн эсвэл агааржуулалтын торыг солих цаг болсон байх вий. Мөн гал тогооны өрөөндөө нэмэлт агаар сорогч суурилуулж болно.
• Цонх суурилуулт ямар болсныг шалга. Гадна талдаа завсартай байвал тэр хэсгээр хүйтэн агаар, чийг орж ирж байгаа.
• Цонхны тавиурыг хэтэрхий өргөн хийх хэрэггүй. Мөн хүчин чадал ихтэй паар суурилуулах эсвэл цонхны тавцандаа агаар солилцоог хангах сараалж суурилуулсан ч болно. Мөн зузаан хөшиг паарыг хаасан эсэхийг шалгаарай.
• Ханаа дулаалах ажилд анхаар. Гадна талын дулаалгыг зөвхөн мэргэжилтэн хөлсөлж хийлгэнэ, үнэхээр үр дүнтэй. Өвлийн улиралд хана дулаанаа хадгална, зун нь халуун агаар нэвтрүүлэхгүй.
• Цонхны тавцан дээр байгаа савтай цэцэг, аквариумыг ав. Энэ бүгд илүүдэл чийгшил үүсгэнэ.
• Хэрвээ та хотоос гадна өөрийн байшинд амьдардаг бол илүүдэл чийгийг гадагшлуулах арга хэмжээ ав. Жишээ нь: дээвэр, зоориндоо засвар хийж агааржуулагч байрлуулах хэрэгтэй.

    Цонхны хөлрөлт, цанталтыг хэрхэн арилгах талаар зөв буруу мэдээлэл авч гайхаж суухгүйн тулд цонхоо анхнаасаа л мэргэжлийн газраар суурилуулах хэрэгтэй. Мөн орчин үеийн цонхнууд тухайн улиралд хийж болох тохируулгатай болжээ. Цаг хугацаанд нь зөв тохируулгыг хийснээр та агааржуулалтыг ч зөв хийж чадна.